Sərəncama əsasən 32 qəzetə və 8 informasiya agentliyinə ümumilikdə 720 min manat birdəfəlik yardım ayrılıb

Azərbaycan Prezidenti İlham Əliyev “Azərbaycan milli mətbuatının 135 illiyi ilə əlaqədar tədbirlərin maliyyələşdirilməsi və Azərbaycan Respublikasının kütləvi informasiya vasitələrinə birdəfəlik maliyyə yardımının göstərilməsi haqqında” sərəncam imzalayıb. Prezidentin mətbuat xidmətindən APA-ya verilən məlumata görə, sərəncama əsasən Azərbaycan milli mətbuatının 135 illiyi ilə əlaqədar tədbirlərin keçirilməsi və bir sıra kütləvi informasiya vasitələrinə maliyyə yardımının göstərilməsi məqsədilə Azərbaycan Respublikasının 2010-cu ilin dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan 1,0 milyon manat məbləğində vəsait ayrılıb. Bu vəsait hesabına Azərbaycan milli mətbuatının 135 illiyi ilə əlaqədar tədbirlərin keçirilməsi üçün Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna 280,0 min manat məbləğində birdəfəlik maliyyə yardımı edilib.
Sərəncamın digər bəndinə əsasən 32 qəzet redaksiyasının hər birinə 20,0 min manat birdəfəlik maliyyə yardımı ayrılıb. Yardım ayrılan qəzetlər “Ayna” - “Zerkalo”, “Azad Azərbaycan”, “Azadlıq”, “Azərbaycan”, “Azerbaydjanskiye izvestiya”, “Bakinski raboçi”, “Bakı-Xəbər”, “525-ci qəzet”, “Bizim yol”, “Exo”, “Ekspress”, “Ədalət”, “Həftə içi”, “Xalq cəbhəsi”, “Xalq qəzeti”, “İki sahil”, “Kaspi”, “Kaspiy”, “Mərkəz”, “Mövqe”, “Novoye vremya”, “Olaylar”, “Palitra”, “Paritet”, “Paralel”, “Respublika”, “Səs”, “Şərq”, “Şərq qapısı”, “Üç nöqtə”, “Yeni Azərbaycan” və “Yeni Müsavat” qəzetləridir.
Bundan başqa sərəncamla ASSA-İRADƏ, “Azadinform”, Azərbaycan Dövlət Teleqraf Agentliyi (AzərTAc), “Azəri-Press” İnformasiya Agentliyi (APA), “Olaylar”, “Trend” və “Turan” informasiya agentliklərinin hər birinə 10 min manat birdəfəlik maliyyə yardımı ayrılıb.
Sərəncamda Maliyyə Nazirliyinə bu Sərəncamın 2-ci bəndi ilə müəyyən edilən maliyyə yardımlarının Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna, qəzet redaksiyalarına və informasiya agentliklərinə köçürülməsini təmin etmək tapşırılıb.

Azərbaycan Prezidenti İlham Əliyev bir qrup jurnalisti fəxri adlar və “Tərəqqi” medalı ilə təltif edib

Azərbaycan Prezidenti İlham Əliyev milli mətbuatın inkişafındakı xidmətlərinə görə bir qrup jurnalistin fəxri adlarla təltif olunması haqqında sərəncam imzalayıb. Prezidentin mətbuat xidmətindən APA-ya verilən məlumata görə, sərəncamla aşağıdakı şəxslərə Azərbaycan Respublikasının fəxri adları verilib:

“Əməkdar Jurnalist”

Abışova Vüsalə Mahir qızı
Amaşov Əflatun Əhməd oğlu
Çaladze Tatyana Yevgenyevna
Əhmədli Nəsir Abbas oğlu
Əhmədov Namiq Qədim oğlu
Əliyev Əbülfət Mədət oğlu
Əliyeva İradə Əbdül qızı
Əliyev Nair Ramiz oğlu
Əskərov Ramiz Baxşəli oğlu
Fərəcov Rafiq Ocaqqulu oğlu
Fərzullalı Zahid Səfər oğlu
Hacıyev İsmayıl Alış oğlu
Hətəmli Baxşeyiş Abbas oğlu
Həziyev Bahəddin Musa oğlu
Hüseynov İlqar İqbal oğlu
Hüseynova Gültəkin Knyaz qızı
İsmayılov Dağbəyi Mirzəxan oğlu
İsmayılov Musa Fehruz oğlu
Kərimov Yusif Abbas oğlu
Kərimova Şəmsiyyə Musa qızı
Qafarov Telman Hüseyn oğlu
Qaradağlı Vüqar Aydın oğlu
Quluyev Mikayıl Nəriman oğlu
Məcidov Şamil Curxan oğlu
Məmmədov Elman Telman oğlu
Məmmədov Hikmət Baba oğlu
Məmmədov Məmməd Yarəli oğlu
Məmmədov Natiq Adil oğlu
Məmmədov Tahir Tais oğlu
Məmmədova Pakizə Göyüş qızı
Nəbiyev Fərman Bəhram oğlu
Nəsirov Akif Təvəkkül oğlu
Paşazadə İlqar Tahir oğlu
Rəhmanov Cəmaləddin Ələm oğlu
Sevzixanov Vidadi Səvzixan oğlu
Şükürov İdris Muti oğlu
Tağızadə Şükufə Yusuf qızı
Zeynalov Zeynalabdin İsmayıl oğlu

“Əməkdar Mədəniyyət İşçisi”

Abbas Tapdıq Əlikişi oğlu
Abdinov Tofiq Məhərrəm oğlu
Abdullayev Adil Qüdrət oğlu
Babayev Adil Firudin oğlu
Babayev Ağasəf Malik oğlu
Əliyev Yaşar Məmmədəli oğlu
Əliyeva Ruqiyyə Nəriman qızı
Əliyeva Zöhrə Qulamhüseyn qızı
Xayrulin Farix Xabibullayeviç
Məmmədov Afət Sadıx oğlu
Məmmədov Allahverdi Paşa oğlu
Mirzəyev Umud Rəhim oğlu
Oğuz Yunus İsaxan oğlu
Rzayev Bəyəli Səfa oğlu
Rzayeva Elmira Ağamalı qızı

“Əməkdar Mühəndis”

Kərimov Elman Hacıbaba oğlu

Prezidentin digər sərəncamı ilə Azərbaycan milli mətbuatının inkişafındakı xidmətlərinə görə aşağıdakı şəxslər

“Tərəqqi” medalı ilə təltif ediliblər:

Abbasov Arslan Fazil oğlu
Abdulov Arastun Tapdıq oğlu
Ağayev Sarvan Şəmil oğlu
Ağayev Şakir Habil oğlu
Babayeva Natalya Hacıyevna
Balakişiyev Bəxtiyar Qaraca oğlu
Bayramov Qəzənfər Həmid oğlu
Eminbəyli Şakir Vəfa oğlu
Ələkbərli Şamil Sabir oğlu
Ələsgərov İlham Maşallah oğlu
Əliyev Namiq Həsən oğlu
Əliyev Şahyəddin Saleh oğlu
Əliyeva Natalya Valeryevna
Hacıyev Akif Nemət oğlu
Hacıyev Asəf Adil oğlu
Hacıyev Sabir Həbib oğlu
Hüseynli İxtiyar Kərim oğlu
Hüseynov İlqar Məmməd oğlu
Hüseynova Məlahət Mövsüm qızı
Qarayeva Elnurə İsaxan qızı
Qarayev Səxavət Mətləb oğlu
Qardaşlı Valid Əlirza oğlu
Qasımova Tünzalə Yusif qızı
Quliyev Aydın Alqulu oğlu
Quliyev Bəhruz Vaqif oğlu
Kərimov Firudin Rizvan oğlu
Mehdiyev Əyyub Məmməd oğlu
Məhərrəmli Zemfira İsmail qızı
Məmmədov Elçin Məcid oğlu
Məmmədova Mətanət Qüdrət qızı
Mirzəbəyli Elçin Əbdülrəhim oğlu
Niftiyev Niyaz Məmmədəli oğlu
Sadıqova Rəfiqə Yusif qızı
Seyidova Sevinc Mirsucəddin qızı
Umudlu İsmayıl Balı oğlu
Vəliyev Fariz Əhməd oğlu
Yusubov Yusif Hacı oğlu
Yusifova Sevil Şərif qızı

Azərbaycan Prezidenti İlham Əliyev mətbuat işçilərinin sosial müdafiəsinin gücləndirilməsi tədbirləri haqqında sərəncam imzalayıb

Azərbaycan Prezidenti İlham Əliyev Azərbaycan mətbuat işçilərinin sosial müdafiəsinin gücləndirilməsi tədbirləri haqqında sərəncam imzalayıb. APA-nın AzərTAC-a istinadən yaydığı məlumata görə, sərəncamda bildirilir ki, zəngin tarixi ənənələrə malik Azərbaycan milli mətbuatı xalqımızın azadlıq amallarının gerçəkləşməsinə, mənəvi dəyərlərinin qorunmasına, müstəqil Azərbaycan dövlətinin qurulması və inkişafına mühüm töhfələr verib. Müstəqillik illərində mətbuatımız daim dövlətin diqqət və qayğısı ilə əhatə olunub, söz və məlumat azadlığının inkişaf etdirilməsi, mətbuatın maddi-texniki bazasının gücləndirilməsi ilə bağlı ardıcıl tədbirlər həyata keçirilib. Sərəncama əsasən milli mətbuatın inkişafına davamlı dəstəyin təmin edilməsi, habelə mətbuat işçilərinin sosial müdafiəsinin gücləndirilməsi məqsədi ilə Azərbaycan mətbuat işçilərinin mənzil-məişət şəraitinin yaxşılaşdırılması və onlar üçün yaşayış evlərinin tikilməsi məqsədilə 2010-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna 5 milyon manat vəsait ayrılıb. Sərəncamda Maliyyə Nazirliyinə bu sərəncamın 1-ci bəndində nəzərdə tutulmuş vəsaitin maliyyələşdirilməsini müəyyən olunmuş qaydada həyata keçirmək tapşırılıb.