Avropanın məşhur ifaçıları - ispaniyalı Devid Tavare və isveçli Velvet avqustun 14-də “Amburan” istirahət mərkəzində “Summer Love” adlı proqramla çıxış edəcəklər.

Lent.az-ın məlumatına görə, konsert “FunFun” prodakşının təşkilatçılığı ilə həyata keçiriləcək.

Təşkilatçılar bu konsertin yay konsertlərinin əlamətdar hadisəsi olacağına vəd verirlər.

Qeyd edək ki, Devid Tavare Dj-dir, pop, xaus, evrodans janrlarında musiqilərlə məşğul olur. Tavare 1984-ci ildə anadan olub. Atası məşhur ispan gitaraçısıdır.
Velvet isə “Rock Down To” adlı super hitlə 2005-ci ildə musiqi dünyasında tanınıb. 22 həftə ərzində onun mahnısı top-20-liyin birincisi olub.
Konsert xaricdən gələn digər populyar dj-lərin çıxışları ilə davam edəcək.