ARDNŞ-in Ekologiya İdarəsinin Ekoloji Monitorinq Departamentinin tərkibində fəaliyyət göstərən Kompleks Tədqiqatlar Laboratoriyasına analiz üçün daxil olan torpaq, su və hava nümunələrinin tədqiqi dünyanın aparıcı şirkətlərinin istehsalı olan, beynəlxalq standartlara cavab verən cihaz və avadanlıqlardan istifadə etməklə həyata keçirilir. Müxtəlif təyinatlı tədqiqat işlərinin keyfiyyətinin artırılması, maddi-texniki bazanın təkmilləşdirilməsi məqsədi ilə Kompleks Tədqiqatlar Laboratoriyasına “Agilent Technologies” Şirkətinin NPD və PFPD detektorları ilə təchiz olunmuş “7890A GC System” markalı yeni nəsil qaz xromatoqrafı alınmışdır. Bu cihaz qaz və maye halında olan azot, fosfor və kükürd üzvi birləşmələrin analizini daha keyfiyyətlə aparmağa imkan verir. Respublikada yeganə olan PFPD detektorlu qaz xromatoqrafından istifadə etməklə ətraf mühitə təsir edən parametrlərin, xüsusi ilə kükürdlü birləşmələrin dəqiq analizinin aparılması və alınan nəticələr əsasında mövcud problemlərin həllinə dair düzgün proqnozların verilməsi mümkündür.